Şêx Xidir Elî li Bajarê Uppsala Semînerek da ‘’Nerîna Îslamê û Mislimana ya derbarê Kurd û Kurdistanê de!’’

 Uppsala- 28/3 2005- Şêx Xidir, di semînera xwe de li ser çavkaniyên Îslamê û mislimanan sekînî û xwest ku pêş bike bê ka gelo derbarê kurda û kurdistanê de çi hatiye gotin.Bi kurtî da diyar kirin ku Îslam bi tu rengî destûrê nade ku gelê kurd li ser nave Îslamê bê pelçiqandin û ew jî gelekî ji wan gelên ku ji hêla Xwedê ve bi rengû zimanekî taybetî xwe hatine afirandin in.

Îslam hatiye jibo ku Edalet û wekheviyê damezirîne.

Lê mixabin gelekê cara li ser nave vê Îslama pak û pîroz zordestî û neheqî hatine kirin.

Digel ku  di serdema Îslamiyetê de xelîfeyan ji gel re gotine ‘’Xêr di we de tuneye heke hun ya rast ji me re nebêjin û xeletiyên me rast nekin, û xêr di me de jî tuneye ku em gotina rast guhdarî nekin û xeletiyên xwe dirist nekin, bi şûrê xwe be jî dema ku em ji rê derketin me bînin rê.’’ Lê mixabin bi demê re ev yek hatiye guhertin û di demên ku Siltanan hin waiz û mele li dora xwe civandin û jibo her xwestekên xwe fitû bi wan dan. Û li ser navê Îslamê gelek xeletî û neheqî li gelê kurd bi vî rengî hatine kirin.

Ji bo minak Siltanên Osmaniya di şerê Çaldiranê de  sunnîtiya wan bikar anîne û bi Îraniyan re dane şerkirin. Ev tenê mînakek e, ji tarîxa mislimana.

Ji ber vê yekê dive mirov Îslamê û Mislimanan ji hevûdû veqetîne.

Digel ku nave wan misliman bû, lê di rastiya xwe de gelekî dûr î Îslamiyetê bûn yên ku ev yeka hanê dianîn serê gelê kurd.

Li gorî Îslamê bi tu rengî mirov nikare zilmê bike, heta mirov nikare meyildariya zilm û zordariyê jî bike, ji ber ku di Ayetê Qurana Pîroz de heye dibêje ‘’Heke hun dilxwaziya zilmê jî bikin dê agir bigihêje we.’’ Tu ferq di navbera kesekî zalim û misliman û yekî ne misliman de tuneye. Zilim kî bike û li kê bike zilm e û neheqî ye û Îslam bi tu rengî destûrê nade vê yekê.

Jiber ku pirê cara yên ku serdest in tarîxan jî ew dinivîsînin, mixabin tarîxa gelê kurd gelekê cara veşartî hiştine an jî kîjan tiştên nexweşik hebin ew dîtine û li ser kurda nivîsandine.

Ji bo mînak di rîwayetên jikuhatina milletê gelê kurd de, tiştê ku aqilê mirov qebûl nake rîwayet kirine; ê ku gotine zarokên cina ne ê ku nizanim gotine çi…

Dema ku em li jiyana Qasidê Xwedê dinihêrin tu carî neteweya kesên dine ku ketine dine Îslamê tine hesab nekiriye û ji ber wê nerihet jî nebûye. Ji bo mînak ji kesên mina Bilalê Hebeşî, Suheylê Romî û Selmanê Farisî re gotiye ‘’ew ji ehlê mala min in’’ û timî bi nave neteweyê wan bang wan kiriye.

Lê mixabin  îroj di nav neteweyên mislimanan de dema ku behsa kurda dikin bi zikreşî û awayekî nebaş bahsa wan dikin; digel ku Xwedayê Teala di Qurana Pîroz de şîretê li Mislimanan dike ku ‘’bila qewmek henekê xwe bi qewmekî dinê neke û wî ji xwe kêmtir nebîne.’’

Semînerê saet ji sisê û nîva ta şeşa, berdewam kir.

Mucteba Baravî

mkurmanci@hotmail.com

Ev senîner ji hêla Komela Kurd ya Uppsala ve hat li darxistin.