Îroj Roja Salvegera  Yekemîn Rojnama Kurdî ye


STOCKHOLM, 22/ 2005-  Mîdhet Bedirxan 107 sal berê di roja 22.04.1898ê  de,  li Qahîre paytexta Misirê,  yekemîn rojnama kurdî ya bi navê "Kurdistan" derxist. Li ba Kurdan 22ê Nîsan ê "Roja Rojnamegeriya Kurdî ye" û Kurd hersal  vê rojê  pîroz dikin û ked û emega  Mîdhet Bedirxan bibîr tînin.

Rojnamegerîya Kurdî de dema Sultan Ebdulhemîd IIan de, li Qahîre paytexta Misirê dest bi weşanê dike. Sultanê Osmanî rê nade ku Mîdhet Bedirxan  li welatê xwe karê Rojnamegerîyê bike, ji ber vê yekê Mîdhet Bedirxan neçar dimîne ku li dervayê welat dest bi weşanê bike.

Di dema Osmanîyan de navê Kurd û Kurdistanê qedexe nebû, lê delwleta Osmanî, di tirsîya ku hestê Kurdewarî di nav miletê Kurd de, pêş bikeve û wê Kurd li dijî sîtemkarîya Osmanîyan serî hilde. Ji ber vê tirsa hana, Ebdulhemîd nehîşt ku Rojnama Kurdî li Kurdistanê derkeve.

Em wekî malpera Serhdê, spasîya xwe aresrteyê ruhê Mîr Mîdhet Bedirxan dikin û Ji Xwedayê Dilovan û Mihrîban dixwazin ku  Mîdhet Bedirxan bi Rihm û Kerema xwe şabike û cîyê wî Behişt û gora wî tijî Nûr be.