Parlamentoya Pakistan ji îdara Emerîka xwest ku lêborînê bixwaze

PAkISTAN, 13/5 2005- Li Pakistan Emerîka hat şermezarkirin û ala Emerîrka û posterê George Bush hatin şewutandin. Li Bassa Guantanamo ya Emerîka hakimên Emerikî Qur`ana pîroz avêtine tuwaletê û li girtîyên Musliman heqaret kirine û ev nuçe di kovara New York-ê de derket. Berî sê rojan li Afxanîstan Emerîka hat şermezarkirin û şermezarkirina Emerîka gîha Pakistan û dohî jî  li bajarên Kuta paytextê Pelocîstan, Pîşawur û Lahorê domand. Bixwîne

Wezaretader ya Pakistan, heqaretkirina li Qur`ana pîroz neyê qebûlkirin û ji wezaretader ya  Emerîka xwest ku derbarî vê bûyerê de agahîyên rast bidin. Parlamentoya Paskistan jî bi sedema ku hakimên  Emerîkî yên li Basa Guantanamo li Qur`ana pîroz heqaret kirine, divê Emerîka ji Muslimanan uzrê xwe bixwaze.

Li Celalabadê du hezar xwendekar rijîyan kolanan û bi tevlêbûna xelkê bajêr jî pirotestokî berfireh  li dijî Emerîka hat lidarxistin û îro jî li Kabolê Emerîka hate şermezarkirin. Polîsên Afxan gule li ser xelkê barand û 7 kes hatin kuştin. Doh jî li gelek bajarên Pakistanê şermezarkirina Emerîka berdewamkir û miletê Pakistan ji dewleta Pakistan xwestin ku, destê xwe ji alîkarîya bi Emerîka re bikişîne.

Wezîra  der ya Emerîka Condoleeza Rice, da dîyarkirin ku heqaretkirina li qurana pîroz nayê qebûlkirin û wê neyê qebûlkirin jî. Esker vê bûyerê dikolin, gunehkar kî bin wê cezayê xwe bi kişînin.

Çavkanî: El-Cizire. Amadekar Dilbirîn