Hêjmara Kovara Nûbiharê ya 94an derket!

Stenbol,7/3 2005- Herwekî hercar îcar jî bi naverokeke dagirtî derkete hemberî xwendevanên xwe. Ta niha ez du kovaran nas dikim ku kurdistan bi heman rengê xwe nîşan didin û bêhna welat ji wan difûre. Ya Yekem kovara HAWAR e û ya duyem jî NÛBIHAR. Ez dizanim ku dê ez nerîna min mîna zêdekariyekê bi gelek xwendevanan bê, lê ez ji ya xwe danakevim û her li ser Godina xwe me.

Nûqteya yekem ew Gavin ku Kovara Hawarê ji hêla ziman de avêt û her ku diçû zimanê wê rûdinişt û êdî rêyeke nuh î nûjen vedikir, ji bo Nûbiharê jî çar kêm dudu zêde wisa ye. Ji ber ku ta demekê di nava mislimana de bi kurdi nivîsîn û bi taybetî bi tîpên latînî ne tiştekî fêrbûyî bû. Lê Nûbiharê xwe da ber vê yekê û bi xîretên mezin, di nav tuneyê de ev yeka hanê pêşde bir. Ne xweşikî yen ku nivîs rêdikirin ji heq ziman derdiketin û ne jî di serê pêşiyê de yen ku bi karê weşana wê dadiketin. Lê ev yeka hanê gelekî neajot û hêdî hêdî her tist li cihê xwe rûdinişt.  Heke mirov bala xwe bide kovara Hawarê ev yeka hanê ji bo wê jî wisa ye. Ji bo zimanê kovara hawarê jî çend sefheyên ziman hene û êdî di hêjmarên xwe yên paşî de ev guherîn hêdî hêdî radiwestin. 

Nuqteyeke ji zimanê wan jî girîngtir ev e ku her du kovaran jî hisiyat û taybetmendiyên gelê kurd li ber çavên xwe girtine. Ji hêlekê de rengê dînî û ji hêlekê de jî rengê netewî. Pêkvemeşandina ev herdû renfana ji bo weşangerîya kurdi ewqasa hêsan nebûye… Yek ji sedemên bi awayekî berfireh di nav gel de belavnebûna weşanên kurdî jî ew buye ku gelekê cara gelê kurd rengê xwe yê dînî ku ji bo wan gelekî girîng e, nedîtine.

Hema hema di her hêjmarên kovara Hawarê de yan tefsîra Qurana pîroz yan jî hedîsên Cenabê Pêxember hebûne. Di Nûbiharê de jî her wisa hema hema di her hêjmarê de çend nîsarên li ser dînê Îslamê û nivîsên dinê jî her wisa ji fikra dînî re hurmetkar bûne û ev yeka hanê Buye sedem ku Nûbihar ji hêla derdoreke gelek berfireh de bête hezkirin û xwe bigihîne gelek deverên ku kesên dinê nikarîbûne xwe bigihîninê.

Di vê hêjmarê de mijarên wekî: Hindikayî û Rewşa Kurdan, Mûsil, hindikayî û Çûyîna Diyarbekir, Kurd çi ne? Û çi dixwazin?, Meqamat, Bi Celîlê Celîl re Hevpeyvîn, Ziman û Vegotin, Egîdê Cimo, Di Rîsaleyên Nûr de Perspektîfa Hiqûqî, Çîrokên Gelêrî, Birîna Reş hene.

Bi hêviya ku hun jî bikaribin xwe bi awayekî bigihînin Kovara Nûbiharê û naveroka wê ya pirrengîn bixwînin…

Navnişan:

Buyuk Reşîtpaşa cad. Yumni iş merkezi. No: 22/29 Vezneciler- Istanbul

Tel&faks: 0090-212-5190009