---------------------------------------------------------------

``Kurd di bin navê Fedraliyê de Serxwebûnê dixwazin!''

19/2 2005- New York Times- di vê rojnameya Emerîkanî de li ser daxwaz û hêviyên kurda hate rawestîn û ev xwestekên kurda mîna zêdekariyekê hatin nirxandin.

Hate diyarkirin ''Gelekî zehmet e ku mirov daxwazên kurdên ku ji desthilatdariya Iraqê ya ku dê nuh ava bibe bi navê Federasyonê dixwazin, ji serxwebûnê veketîne.''

Rojnamê da diyarkirin ku ''Kurdên ku di hilbijartinan de duyemîn derketin û di avakirina desthilatdariyeke nuh de ketine devereke gelek girîng û tiştek bê wan nikare bê wan bêkirin, daxwazên xwe yên li ser awayê Federalîzmê hêdî hêdê diyar dikin. Li gorî vê yekê, kontirolkirina hatiniyên petrolê, jihevbelavnekirina pêşmergeyan û di bacê de dixwazin serbixwe bin.

Di heman rojnameyê de hevpeyvînek bi birêz Mesûd Berzanî re hatiye kirin; Berzanî di wê axaftina xwe de dibêje:

''Heke gelê kurd dixwazin bi awayekî Federasyonê di nav tixûbên Iraqê de bimînin, divê yên dinê spasdarê wan bin.''

Dîsa hate diyarkirin ku ''Kurd dixwazin kontrola xwe li ser hatiniyên xwe yên xwezayî -bîrên petrolê jî di nav de- çêkin û biryara parvekirina wan ya bi hukumeta navendî re di destê hukumeta Kurdistanê de be. Digel armanca ji hevbelavkirina YDE a derbarê hêzên paramîlîter, nêzîkî 100 hezar pêşmergeyên çekdar li Kurdistanê hene û kurd dixwazin hebûna wan biparêzin û ji derveyê fermana hukumeta navendî tu hêzeke dinê ya çekdar nikaribe derbasî nav tixûbên Kurdistanê bibe.

Dîsa kurd dixwazin destnîşankirina wezîrên  Kurdistanê jî di destê wan de be. Xeta kesk jî hinekî dinê bi hêla başûr de bê şeqitandin ku bikaribe bajarê Kerkûkê, Xaneqîn û Sincar bikevin nav axa Kurdistanê. Wekî dinê jî dixwazin ku bêyî destûra hukumeta Kurdistanê baca Kurdistan ji hêla hukumeta navendî ya Bexdayê ve nikaribe bête zêdekirin.

Dîsa tê diyarkirin ku hêj di mejiyê serokên kurda de dewleteke serbixwe û azad heye û dixwazin wê di saxiya xwe de bibînin. Lê vê gavê derfetên heyî rê nadin vê yekê. Sedema vê gavê nexwestina vê yekê jî mîna nerazîbûnên dewleta Turkiyê ne. Û dîsa ne hêsan e ku ev daxwazên kurda ji hêla grûbên şîî û sunniyan ve bêne qebûlkirin.

Mucteba Baravî