-----------------------------------------------------------------

KULA EVÎNÊ
 

Evîn derdek pir dijwar e

Dil girê wê birîndar e

Birîn kûre bê derman e

Dil wêranê destê evînê

Evîn xweşe wek şekir e

Pêtek ji pêtê agir e

Hişû aqil tev digir e

Dil wêranê destê evînê

Herçê evîn pê bû bela

Ew nexwewê sêx û mela

Xwîn dikişe ji nav û dila

Dil wêranê destê evînê

Dil dibêje tim wa xweş e

Herdem hercar wa belaş e

Nizane evîn qelaş e

Dil wêranê destê evînê

Evîndarî ne erzan e

Wêrana cerg û dilan e

Ev qelenek pir giran e

Dil wêranê destê evînê

Wexta herdû tên civatê

Doşek hevirmêşe ji latê

Xem nîne serma sibatê

Dil wêranê destê evînê

Ên bûn dilketê çavên reş

Wê av vexwe ji dêmên geş

Morsimbil û bêhna binevş

Dil wêranê destê evînê

Hişrevînê gewra bedew

Mehrûm dike çavan ji xew

Pirr çetine derdan bi kew

Dil wêranê destê evînê

Evîn deryakî bêbinî

Dil revînê wî bê gemî

Wê tê biçe biser û binî

Dil wêranê destê evînê

Ka dildarê miradê xwe

Ka evîndarê yara xwe

Ew hemî çûn bi kula xwe

Dil wêranê destê evînê

Dem ku ç`ev hev dibînin

Leş mişte ji germ û tîne

qeşa û pûsê dihelîne

Dil wêranê destê evînê

Ên dilparê çavên bikil

Malwêranê destê aqil

Wê binale hercar ji dil

Dil wêranê destê evînê

Bi her yarê nebe bawer!

Hela yara bê esl û ber

Hinav li te dike duker

Dil wêranê destê evînê

Ji yarê re nebe pire

Ewî barî hilnegire

Siwar dibe dibê kere

Dil wêranê destê evînê

Dil carnan pê bextîyar e

Wekî siltan sahê mar e

Tembûrvanê birca yar e

Dil wêranê destê evînê

Koşk û sera da rûniştin

Dest û beden bihev şûştin

Pirî mijyan xwe pê kuştin

Dil wêranê destê evînê

2001 05 03