Rêveberîya sîyasî divê çewa be!

Swêd, 30/4 2005- Kesên berîya me jîyan e û çûne ber Dilovanîya Xwedayê Mihrîban, em tenê wan bi nav û berhemên wan nasdikin. Her mirovek ku  berhemek nivskî an jî pirêzên pak û paqij li pê xwe hîştibe, tim dibe mînak ji bona nivşin din û mirov ji berhemên wî fêde dibîne. Ji boyî berhemên mirovan fêdedar be, divê mirov li gora şertên dema xwe û pîvanên zanistî tevbikgere.

Di her demek de şertên tayîbet dertên pêş, lê pîvanên zanistî li ser himê xwe  her roj nûjentir dibe û hin xisûsîyet û derfetên nû dide mirovan.

Ji boyî karê mirovna berhemdar û serkeftî be, divê mirov baş li ser sê  pîvanên bingehî bifikire û dest nîşan bike ku karê mirovan bigihê armanca xwe.

1. Hedef: Divê mirov berîya dest bikar bike, hedefa ku mirov dixwaze xwe bigîhînê  dest nîşan bike.

2. Sermîyan: Bi kêmasî divê mirov sermîyanek kifş bike ku mirov karibe xwe bigîhîne hedefa xwe. ÊDî sermîyan çi pere û çi jï ilim be.

3. Pispor: Ji boyî gihîştina hedefa dest nîşankirî, divê mirov pisporê wî karî be, an jî wî karê bi pisporan bide kirin ku karek berhemdar  û serkeftîbe be.

Ev hersî sûnana di avakirina her tiştî de, pîvanên bingehîn e. Bêguman ew berhemên ji nifşên berê gîhştîye destên me, kêm zêde li gora van pîvanên ku me li jor nivîsîn  hatîya amadekirn. Ji boyî wê yekêye ku ew mirine, lê li pey xwe nav û dengê xwe hîştine û em jî wana bi wî navê ku wan li pêy xwe hîştine dizanin.

Di warê sîyasî, aborî û civakî de jî, rewş bivî awayî ye. Îroj hemî miletên dunyayê, li gora şert û mercên demê birêve biçin, mekanîzmayên zanistî avakirina û ew mekanîzmana di bin desthiladarîya pispor û akademîsyenan de, tê îdarekirin.

Dewr û îdareya yek mirovî nama êdî li dunyayê pere dike. Mejû û zanîna  mirovek, nikare bersîva xwestekê miletek bide. Û ew miletê ku bi mejûyê mirovek were îdarekirin, xwe nagîhîne tu armancek. Ji ber  vê yekêye ku îro mekanîzmên zaniztî hatîye avakirin û her mekanîzmakî bi kar û lêkolinên pispor û akademîsyenan, di xizmeta miletê xwe da ne.

Divê rêberên miletê kurd jî li gora van pîavnên zanistî tevbigerin û berê miletê Kurd nedin berê reş. Divê gurûbên mekanîzma dewletê avadikin û li ser pêya dihêlin werin sazkirin û serok û rêberê miletê Kurd jî li gora netîca wan lêkolînên zanistî tevbigerin.

Wek mekanîzmên pisporên sîyasetzan, pisporên civakzan, pisporên aborî, pisporên pîskolojî ku kar û xebatên xwe bi awakî akademîk dikin werin avakirin û rêvebirîya desthiladar ji li gora wan lêkolînana sîyaset bikin.