Serokwezîrê Tirk; "Nîjatperestîye xwe wek xalên sor binav dike"

ENQERE, 16/4 2005- Serokwezîrê Tirk Receb Tayib Erdogan dibêje; " hin kes dixwazin me perçe bikin" û gelekî caran Yekîtîya Ewrûpayê bi me re li ser hin pêşnîyaran sekinîne. Erdogan bê ku navê Kurdan bîne ser zimanê xwe, qebûl dike ku YE li ser pirsa Kurd sekinîye û doza li wan kirîye ku rêyek ji pirsa kurd re bibîne. Erdogan, wekî eskerîya Tirk li ser inkarkirina Kurdan berdewame.

Erdogan, di civîna (MUSIYATê) de axifî û sîyaseta dewleta Tirk ya li ser talan û wêrankirana kurd û Kurdistanê hatîye avakirin parazt û behsa hin xetên xwe yên sor dike. Erdogan dibêje; "ew rênade ku neteweperestîya etniki, neteweperstîya dînî û neteweperstîya heremî were kirin".

Hefta derbasbûyê dema çeteyê dewletê  li Trabzonê êrişkir wan kesên ku xwestin belavok belakin, Erdogan, ew kesana pîroz kir û xwest ku bila kesek bi hesasyetên miletê Tirk nelîzin.

Erdogan di bin qilifê Îslamê de, nijatperstî û di bin baskê çeteyên deletê de jî faşîzmê ji miletê Tirk re rewa dibîne, lê qebûl nake ku miletê kurd  xwe îfadebike ku bêje li vî welatî Kurd jî dijîn û divê ew jî wek Tirkan xwedîyê hemî mafê xwe yên mirovî bin. Erdogan balê dikişîne ser Kurdên welatperwer û dibêje; hin kes bi navê rewşenbîrîyê di  televîzyonan de neteweperestî dikin.

Erdogan, talankirin, qirkirin, koçberkirin û înkarkirna Kurd û kurdistanê ji miletê Tirk re tişteka xwezayî dibîne, lê dema Kurd vê zulma Tirkan bine ziman tişteka pir bedîe dibîne. Ev helawesta Tirkan li tu deverek dunê  de nayê diîtin û hovîtîye dewleta Tirk pir zelal dide xwîyakirin.

Ez her dem di nivîs û axiftinên xwe de dibêjim; " Kemalist û nîjatperestên  Tirk ji Muslimanên Tirk pir pêşverûtir e. Ji ber ku kemalîst û nijatperest vekirî dibêjin;  "ku ji bilî tirkan netewên din li Tirkîyê tune",  lê kesên binavê Îslamê tevdigerin bi genefisî xwe dibin rengê Îslama pîroz de vedişêrin û înkar û dujminatîya miletê Kurd dikin û ev yek ya herî xeter e.