|
|
Divê em nekevin xetayê dewleta Tirk
KSN/ 18/5 2005- Sîyaseta dewleta Tirk
li ser hîmê dujminatîyê hatîye avakirin. Ev dujminatî li gora dem û
zemîn tê guhertin, carna dujminatîya dewletên cîran derdikeve pêş
û carna jî dewlet ji xwe re dujminê navxweyî peydadike û li ser
neyartîya der û hundur sîyaseta xwe dimeşîne
û bi pêjn û hisîyatên miltê Tirk dilîze.
Dewleta Tirk her dem li dijî miletê xwe bû ye û milet
û dewletê tim bi çavê dujminatîyê li hevdû
mêzekirine. Dujminê dewleta Tirk ê yekm Kurd û yê duemîn jî Musliman
e. Ji van herdû gurûbana kijan li dijî rejama Kemaklîst bûne xeter,
dewletê çevê xwe ji gurûba din re girtîye û ev yek di dema
şerê PKKê de qenc derket holê û dwletê
şerê PKKê dikir û çevê xwe ji
Muslumana re girt. Û hatanî Hîzbullah li dijî PKKê bikar anî.
Dewleta Tirk neyartîya hemî dewletên
cîranên xwe dike, û serê wî bi tu cîranek wî re xweş
nine. Ji ber ku dewleta Tirk li ser esasê neyartîyê hatîye avakirin,
her tim xetayê xwe davêje sutûyê xelkê û hinekên din ji kiryarên xwe
yê nemiorvî birpirs dibîne.
Rejma Kemalîst ji bilî malwêranîyê tiştek
din nedaye xelkê li tirkîyê û bi tayîbet miletê Kurd, vêca wextî
milet nerazîbûna xwe nîşandide
û li dijî kiryarên nemirovî serî hildide, dewleta Tirk dibêje; ev
tilîya Emperyalîsta, yan a Ermenîyan û yan jî a Sihyonîan tê da ye.
Dewleta Tirk bê ku li zulma xwe mukur were, ji xwe re
çend tilîyên neyar dîtîye û tim suçê
xwe dike stuyê wan her sî tilîyan.
****
Divê em ji van kiryarên Tirk, Ereb û Farisan îbret bigirin û nekevin
xetayê wan. Hîmê li ser zulm û neyartîya miletan were avêtin ji
tunebûnê re mehkûme û wê pir zû hilweşe. Miletê Kurd yek ji miletê
Rojhilayta Navîn e û wê li ser axa xwe û bi cîranên xwe re bijî.
Mirov nikare hertim bi tirsa neyarê xwe
bijî, île dibê rojek aştî
çêbe. Di cîyê
aştî
hebe ma neyartî bi kêrê
çi tê? Kurdistanek azad bi
aştîyê
û firehîyê
xweş
e û divê ji naha ve em vê mesajê bidin miletê Kurd û Kurdistan li ser
hîmê aştîyê
were avakirin.
Ez wekî Apocîyan
nabêjim
em bêyê ku doza tiştek
bikin û dev ji hemî daxwazên xwe
berdin û biratîya tirkan an jî biratîya gelan bixwazin. Na! ez
wusan nabêjim
Di Kêmkirina pirsgirêkên miletê Kurd
bi cîranên wan re, barekî giran dikeve ser milê Rewşenbîr,
Nivîskar, Rojnamevan û van malperên elektornîk. Ji her tiştî
girîgtir aştîya
nav xweyî ye, ew desthiladarên ku nikaribin bi miletê xwe re bi awaki
adîl bijîn, peydakirina emn û îstiqrara welatê xwe jî nikerin bi cî
bînin.
Dewleta Tirk mînakek vekirîye û divê em
wek miletek ku hatîye pilçiqandin,
nekevin rewşa
dewleta Tirk û dijatîya hevdû nikin. Eger em Kurdên Musliman an jî ew
kesên wek me nafikirin û endamên partî û hêzeka dine, wek
gurubek xeter bîbînin û ji bona wendakirina wan hemi dek
û dolban li serê wan bihunîn û wana ji hola rakin, wê demê xizmetê ji
dakirkerê Kurdistan re dikin.
Ev kara bi tenê bi kêrê dujmin tê û
miletê kurd nikare vî barî ragire, ji ber ku tu miletî ev barê giran
ranegirti ku Kurd jî karibe ragire.
|
