"Zor zane, Zêr zane û devê tivinga mor zane"

Swêd, 8/73 2005- Wusan dîyare Rêxistinên mafê mirov û çapemenîya dunyayê, nû dixwazin dewleta Tirk nasbikin. Ev sed sal e ku miletê Kurd di zare û dikale, lê kesî nedixwest  goyê xwe bidin miletê Kurd. Girtîgeha Ebu-Garîb pir ji girtîgeha Dîyarbekirê bi şanstirbû, ji ber ku Rojnamevanên Îngilîz û yên Emerîka zulma ku li Ebu-Garibê dihatkirinê derxistin, lê qetlîamên li Kurdistanê tête kirn, zulm û zordarîya ku li girtîgehên Tirkîyê tên kirin kî derdixîne ronayê..? Dewletên Emerîka û  Ûris şewûtandin û gemarkirina Mizgeftan ji komara Tirk û rejma Sedam Huseyîn fêrbûn. Dewleta Tirk û rejma Sedam bi sedan Mizgeftên  Kurdistan şewûtandin.

Di van rojên dawî de çi li nava Tirkîyê be û çi jî di medya dunyayê da be, li ser binpêkirina mafê mirovn, durûtî û paşverûtîya dewleta Tirk rapor û nivîs tên weşandin, gengeşî û munaqişeyên dijber havûdû  tête kirin. Dunya nû dixwaze dewleta Tirk nasbike, an jî nasdike lê wexta li hesabê wan neyê naxwazin nasbikin. Miletê Kurd ji berê de gotiye: " Zor zane, zêr zane û devê tivinga mor zane"

Ji  dewra Osmanîyan bigire hatanî roja îro, dewleta Tirk hinek caran li himber tevgera Kurd "zor zane" bi kar anîye. Îdî çi bixwe û çi jî Kurd li dijî Kurdan fît kirine ku şer hev bikin û bi vî awayî tevgera Kurd fetisandîye. Carna jî dewleta Tirk " Zêr zane" pare û mal belakirine û bi zora pere û zêran xwestîye tevgera Kurd têk bibn. Û carna jî " devê tivinga mor zane" bi kuştin û qetilkirinê xwestîye pirsa Kurd vemirîne, wekî ku her kes jî dizane di van salên dawî de bi hezaran Kurd bi kuştina kujerên ne dîyar ji holê hatin rakirin û navê vê wehşetê jî danîn " Failê mechûl" lê di eslê xwe de faîlê dîyar e jiber ku dewletê bi xwe dikir.

Dosya dewleta Tirk ya binpêkirina mafê mirovan, ji zulm û zordarîyê werimîye. Her roj rapor li ser raporê derbarî Tirkîyê de tên belavkirin ku dewleta Tirk yek ji wan dewletên her xirabe ku mafê mirovan tête bipêkirin.

Komîta çavdêrîya mafê mirovan ya YE, derbarî Tirkîyê de raporeke belavkir. Di raporê de li ser belengazîya miletê Kurd yên ku di salên 1990î û virve ji ber sedema şerê navbera dewlet û PKKê ku ji cî û warên xwe derbederbûne, disekine. Kurdên ku hatine derbederkirin venegerîyane gundên xwe û dewletê soza xwe bi cî neaniye. 378 hezar Kurd bi zorê ji ciyên wan hatine derxistin û dewletê tu alîkarî nedane wan.

Ew kesên vegerîyane ser erdên xwe jî bi şert û mercên herî zehnet vegerîyane û dijîn.

• Veger bi tenê qîmnake..! ji ber ku xanîyên wan hatine hiweşandin û dewletê alikarî nekirî  û emn û îstiqrara li heremê tune

• Yên zivîrîne jî di bin şert û mercên herî zehmete dijîn, ji ber ku ji xizmetên gelemperî mehrûm in, wekî avê, elektirîkê, tendurustî û  paerwerde.

• Ji bona avakirina xani û ajotina ziretê pir kêm alîkarî hatîye kirin.

Rapora Meclîsa Tirk

Li gorî rapora ku komîta mafê mirovan ya Meclîsa Tirk amadekirîye, di sala derbasbûyî 2004an de, ya herî zêde şikata îşkence û muamilên xirab ku di qereqolên polis û cendirmên tirk de hatîye kirin. Li gorî raporê 848 kesî lêdan xwarine û muamilên xirab dîtine.

Wusan dîyare Rêxistinên mafê mirov û çapemenîya dunyayê, nû dixwazin dewleta Tirk nasbikin. Ev sed sal e ku miletê Kurd di zare û dikale, lê kesî nedixwest guhê xwe bide miletê Kurd. Girtîgeha Ebu-Garîb pir ji girtîgeha Dîyarbekirê bi şanstirbû, ji ber ku pojnamevanên Îngilîz û yên Emerîka zulma ku li Ebu-Garibê dihate kirinê derxistin, lê qetlîamên li Kurdistanê tête kirn, zulm û zordarîya ku li girtîgehên Tirkîyê tên kirin ki derdixîne ronayê..? Dewletên Emerîka û  Ûris şewûtandin û hilweşandina Mizgeftan ji komara Tirk û rejma Sedam Huseyîn fêrbûn. Dewleta Tirk û rejma Sedam bi sedan Mizgeftên  Kurdistan şewûtandin.

Li dewletên Kurdisatan dagirkirine ji miletê Kurd re qanûn û nizam tune ye, bi tenê du alternatîf heye yek ya miletê Kurd wek xizmetkar dijin û xwe înkardiki, ya duda dema miletê Kurd got ez kurdim wêçaxê " devê tivinga mor zane"